[size=29]صرخه موظف مطحون
بقلم م/أحمد
الصبح اول مايصحي مراته تصحيه صباح الخير
الموظف :اهو صباح وخلاص
الموظف:عملتي الفطار؟
مراته:هوا انتا لسا جبت حاجه ولا قمت حتي
الموظف : يافتاح ياعاليم
يقوم الموظف المطحون يلبس الشبشب وينزل بالبيجامه لبتاع الفول اللي تحت البيت
الموظف:صباح الخير يا عم ..... اديني بجنيه فول
الناس:متقف في الصف يا اخي ما احنا بردوا ورانامصالح وعايزين نفطر
الموظف :خليك في حالك منك ليه. هات ياعم خلينا نمشي
الموظف :شايل طبق الفول وراجع البيت يلعن في الناس وفي حظه العاثر ويدخل البيت وينادي علي مراته
مراته : انتا جيت
الموظف :امال خيالي . صحي العيال لحد ما اغسل وشي واتوضا
يطلع الموظف من الحمام يلاقي العيال نسفوا الفول ومراته بتقوله
جبت بجنيه تاني ليه ؟ ما انتا عارف مش بيكفي افطر انتا في الشغل
يهمهم الموظف ويلبس القمص والبطلون وياخد الشنطه وينزل الشارع علي شان يلحق الفول والطعميه
وبعد صراع يمكن الموظف بالفوز برغيف
الموظف :يادي القرف كل يوم ميه ومجاري ضاربه
يشمر البنطلون وينط علي الحجاره اللي حطوها اهل الخير في الميه علي شان الناس تعدي عليها لحد مايوصل لاول الشارع يستني الميكروباص
بعد طول انتظار ييجي الميكروباص ويتشعبط اخينا فيه لحد الشغل
في الشغل بقي عالم تاني الناس علي بعض وهوا بيحاول يشق طريقه بينهم لحد الاوضه اللي هوا فيها وفي الطريق عمال يصبح ويسلم علي زمايله
واخيرا وصل الاوضه اللي حيطانها زيتي والمكتب الخشب اللي بيعد عليه
يادوب يرمي الشنطه ويقعد يريح من المشوار ويبدا يفطر الساندوتشات الطعميه ويشرب الشاي المتين ويتكلم مع زمايله ومشاكلهم ومشاكل العيال لحد الظهر
ومع الظهر كل زمايله يبداوا يفكوا ماعدا هوا اللي بيفك 3 ايام في الاسبوع بس علي شان يحلل مرتبه
واخر النهار يروح الموظف تاااااااااااااااني البيت علي شان يكمل يومه اللذيذ جدا
م/احمد
[/size]