من طرف Eng.Ahmed الثلاثاء أكتوبر 28, 2008 3:40 pmاولا الحب لازم يكون فيه امتزاج تام في الافكار بس في نوعين من الناس
*الانسان الرومانسي اللي بيفكر بقلبه وبيحب بجوارحه
*الانسان الواقعي اللي بيحكم عقله اولا في اي شيء
ولو بصينا للنوع الاول هنقول انه سهل الضحك عليه وانه اكيد هيحب اكتر ما بيتحب وممكن يلاقي مبرر لاي حاجه تحصله وغالبا بينتهي حبه بفشل تام
النوع التاني اللي بيحكم عقله دا عامل زي التاجر بيحسب مكاسبه وخسارتهوغالبا لو انهي علاقته بيبقي مش خسران كتيروان اتكلمنا عي الجانب الديني فان الانسان العقلاني يقدر يحكم علي حاجات كتير انها غلط والمفروض متتعملش وميعملهاش وعلي نقيضه الرومانسي اللي بيشوف الغلط صح ودايما بيلاقيله مبرر
وانا ليا تعليق صغير
ان مشاعر الولد او البنت عامله زي فواحه عطر كلما استخدمتيها في الفاضي والمليان هيخلص العطر منها وتبقي مشاعر بلا احاسيس او بمعني اخر مشاعر مجرده
كمان الواحد بيتعود من اللي بيحبه علي كلام ما اوافعال ما بتستنفذ مع الوقت اي ان كل حاجه في بدايتها بتبقي حلوه بعد كدا الانسان بيتعود"التعود يقتل الغرابه والمشاعر"دا قاله احد الفلاسفه
المفروض المشاعر دي ياخدها اللي يستحقها او اللي تستحقها ودا طبعا مش بالحاجه السهله لازم تروي في كل شيء
كمان ان جينا للحق المفروض الحب دا يبقي لما تكون قادر انك تتجوز مش هياس فلانتينو حضرتك بتوزع حب
وهرجع اقول ان مش عيب انك تحب بس العيب ان الحب يربطك في عربيته ويخليك تجرها لاي مكان زي ال.............ر
لازم كل انسان يكون متحكم في حياته و مشاعره وكل شيء بوقته
انا كدا كلامي خلص
بس في شويه كلام في قلبي عايز اقولهم
فيها ايه اني احب وانا قد المسئوليه
فيها ايه لو البنت تحب انسان راجل وجدع مش بياع كلام
لو كنا هنظلم حد ف احنا بنظلم نفسنا مش بنظلم الحب .الحب منذ القدم بس احنا فاهمينه غلط
بقلم
م/أحمد
