الأصالة والجمال



    حوار هيحصل مع احفادنا سنة 2080 (طريفة)

    شاطر
    avatar
    ramy
    مشرف قسم "قول اللى فى نفسك"
    مشرف قسم

    العمر : 30
    عدد المساهمات : 90

    السٌّمعَة : 0
    نقاط : 8
    تاريخ التسجيل : 11/08/2007

    حوار هيحصل مع احفادنا سنة 2080 (طريفة)

    مُساهمة من طرف ramy في الخميس سبتمبر 13, 2007 12:55 am

    الحفيدة : جدو تامر إزيك .. حلو البدي اللي انت لابسه ده . بس ده
    موضة قديمة قوي يا جدو
    الجد : يا بنتي أنا راجل دقة قديمة وبالبس زي ما جيلنا اتعود وحسب
    التقاليد القديمة بتاعتنا

    الحفيدة : أيوه بس مش حاسس إنك مخنوق وانت لابسه؟
    الجد : أبداً ده هو ده اللبس المحتشم اللي مفروض الكل يلبسه
    ويحافظ عليه .. فين أيام زمان لما كنا نلبس البدي اللي مبين البطن
    والظهربس، مع البنطلون السترتش الجلد والجوانتي الجلد... كانت حاجة
    آخر روشنة

    الحفيدة : ياه يا جدو .. ده انتوا كان ليكم تقاليد غريبة خالص
    الجد : وهو انتي فاكرة إن أيامكم دي أيام؟ يا بنتي أيامكو دي ما
    يعلم بيها إلا ربنا .. فين أيام سنة 2002م ، هو الواحد فينا كان
    يستجري يشرب سيجارة البانجو ولا يسحب له سطر بودرة قدام أبوه؟ طب ده
    الدنيا كانت تتقلب ساعتها وما تتعدلش .. أمال إيه .. كان فيه حاجة
    اسمها أخلاق
    الحفيدة : معقول يا جدو؟ للدرجة دي!!؟؟
    الجد : أمال انتي فاكرة إيه .. وبعدين كانت الست من دول ما تلبسش
    اللبس الخليع بتاع اليومين دول .. يعني الجيبة كان لا يقل طولها عن
    شبر ونص .. وكانوا الستات يلبسوا فوقيها بلوزة باستمرار ..مش زي
    دلوقتي!
    الحفيدة : يا خبر .. وإيه كمان ياجدو
    الجد: ح أقول لك إيه ولا إيه .. يعني خدي عندك مثلاً .. زمان كنا
    نسمع الطرب الأصيل لمطربين حقيقيين زي مصطفى قمر ، وعمرو دياب ،
    وكانت الأغنية مدتها أكثر من دقيقتين متواصلين من الطرب الأصيل
    والسريعة الروشة اللي تعمر النافوخ بصحيح كانوا مطربين روشين طحن
    وكله كوم والست كوم تاني

    الحفيدة: ومين الست دي يا جدو
    الجد: في حد مايعرفش الست...نانسي عجرم طبعا
    الحفيدة : وبعدين
    الجد : وبعدين كنا نسمع على حاجة اسمها اسطوانات ليزر ، ودي صحيح
    انقرضت ، بس
    كان ليها طعم عن دلوقتي ، يا سلام لما كنا نحطها في الووكمان ونعلقه
    في حزام البنطلون ونمشي في الشارع كده ،، كانت أيام جميلة
    الحفيدة : حكاويك ممتعة قوي يا جدو .. ثانية واحدة بس لما أصحي
    سوسو صاحبي
    لأنه بايت معايا في الأودة من امبارح ..

    )بعد عدة دقائق) هيه يا جدو .. وبعدين
    الجد : أحلى أيام بقى كانت أيام الدراسة ، الفصل كان على أيامنا
    رايق وعدد التلاميذ فيه ما يزيدش عن ستين سبعين تلميذ ، وكنا ساعتها
    بنعرف نفهم الدرس كويس مش زي دلوقتي ، وكانت الشوارع أيامها فاضية
    لأن مصر كلها كان تعدادها 70 مليون مش أكثر ، تخيلي بقى الروقان
    اللي كنا فيه؟


    الحفيدة : 70 مليون بس؟!!
    الجد : أمال إيه .. علشان كده كانت كل حاجة رخيصة ، يعني مثلاً
    كيلو اللحمة يوم ما يضربه الدم كان يبقى بخمسة وعشرين جنيه أو بخمسة
    وتلاتين جنيه ، وكان أتخن جوز جزمة بمتين وخمسين جنيه ، وكان الواحد
    يقدر يشتري شقة تمليك بـ 350 الف جنيه بس .. وكان الدولار بستة جنيه
    بس تخيلي بقى؟
    الحفيدة : ما هو علشان كده كان الجواز على أيامكم كان سهل خالص
    الجد : أمال .. ده احنا الواحد مننا كان بمجرد ما يوصل سن 35 سنة
    يبتدي يفكر في الجواز على طول ، وما كانش عندنا الأفكار الغريبة
    اللي بتعملوها دلوقتي زي إن البنت تعد مع الولد كام سنه قبل الجواز
    علشان يتعرفوا على بعض أكثر زيك انتي وسوسو صاحبك ، أنا شخصياً شايف
    إن ده وضع مش لطيف ، ده احنا يا بنتي على أيامنا كان لا يمكن البنت
    تتأخر بره البيت عن الساعة أربعة صباحاً ، طب ده باباها كان ممكن
    ساعتها يخاصمها

    الحفيدة : ده انتوا كنتوا متزمتين خالص ياجدو !!!

    الجد : يا بنتي إحنا اتربينا على الأخلاق والفضيلة والعادات
    والتقاليد .. يعني كان الواحد مننا زمان لما يدخل الأسانسير ويلاقي
    جاره في الأسانسير ممكن يفكر يصبح عليه ، ومش بعيد كان يسأله عن
    أحواله ... وكانوا أهل الفن محتشمين جداً وكانوا دايماً يطلعوا
    بالمايوهات البيكيني ، والمذيعات كانوا يقعدوا جنب الضيف مش على
    ركبته زي دلوقتي... هيـ يـ يـ يـ ـه الله يرحم دي أيام

    الحفيدة : رايح فين يا جدو
    الجد : أصلي كنت موصي الجزار على اتنين كيلو لحمة وأعطيته ثلاثة
    آلاف جنيه عربون وعايز أروح أطمن إذا كانت اللحمة وصلت ولا لأ ..
    تشاو .. سي يو
    منقوووووووووووول thanks

    شوشو
    مشرف
    مشرف

    العمر : 24
    عدد المساهمات : 17

    السٌّمعَة : 1
    نقاط : 1
    تاريخ التسجيل : 03/08/2007

    رد: حوار هيحصل مع احفادنا سنة 2080 (طريفة)

    مُساهمة من طرف شوشو في الجمعة سبتمبر 21, 2007 8:17 pm

    ههههههههههه
    جميله موت
    avatar
    ادارة المنتدى
    Admin
    Admin

    عدد المساهمات : 39

    السٌّمعَة : 3
    نقاط : 63
    تاريخ التسجيل : 01/08/2007

    رد: حوار هيحصل مع احفادنا سنة 2080 (طريفة)

    مُساهمة من طرف ادارة المنتدى في الأحد سبتمبر 23, 2007 12:35 am

    لما لك من روح الدعابة فسوف نطرح قسم للطرائف والغرائب وورينا همتك

    moshy
    عضو يحبو
    عضو يحبو

    العمر : 29
    عدد المساهمات : 5

    السٌّمعَة : 0
    نقاط : 0
    تاريخ التسجيل : 11/03/2008

    رد: حوار هيحصل مع احفادنا سنة 2080 (طريفة)

    مُساهمة من طرف moshy في الخميس مارس 13, 2008 5:17 am

    حوار رائع جدا
    عندك حق البلد دى خلاص كل شىء فيها ضاع
    والحكومة ربنا يخليها لينا مش حرمانا من حاجة أبدا
    الأسعار ولعت والحديد بقى ألماظ والحياة سهلة خالص
    الواحد خلاص هينفجر ومش لاقى حاجة يعملها غير انه يضحك
    فشكرا ليك انك ضحكتينى[/u]
    avatar
    princessozey
    عضو لا يمكن الاستغناء عنه
    عضو لا يمكن الاستغناء عنه

    العمر : 24
    عدد المساهمات : 48

    السٌّمعَة : 2
    نقاط : 60
    تاريخ التسجيل : 18/06/2009

    رد: حوار هيحصل مع احفادنا سنة 2080 (طريفة)

    مُساهمة من طرف princessozey في الخميس يونيو 18, 2009 9:37 am

    ربنا يكون فى عون اللى هيعشوا فى زمن ذى دا دعاء

      مواضيع مماثلة

      -

      الوقت/التاريخ الآن هو السبت نوفمبر 17, 2018 2:35 am